Tuesday, December 12, 2006

الكليب المعروض شديد البذاءة..أرجو عدم المشاهدة إذا كنت دون السن

الكليب







بالصدفة البحتة صادفت هذا الكليب للفنان خالد الذكر سعد الصغير.
والله حاجة أقذر من أن توصف والغريب أن هذا يحدث في فرح شعبي في مصر وطبعا كل من كانوا في هذاالفرح وشجعوا الفنان المحترم سوف يستحمون غدا صباحا ويذهبوا لسماع الخطبة التي حفظها الخطيب من كتاب " النور والبنور في غياهب القبور",سيستغفروا ربهم ويهزوا رؤسهم وخلاص ... قمة الإزدواجية

طول عمر الأفراح في مصر فيها راقصة أو قد يتعدى أحدهم حدوده فيشرب ويزودها لكن أن يكون المطرب بهذه البذاءة و الأنكى أن يصفق له الناس كما لو كان فتح عكا .... يبقى أكيد في حاجة غلط
بالله عليكم شاهدوا الكليب وقولوا لي ما الذي حدث لنا وكيف هو المستقبل إذا كان هذا الحقير من مشاهير هذه البلد.

9 Comments:

Blogger Ayyam said...

أحمس الكليب مش شغال...جايز أخطئت فى كتابه واصله الربط

9:16 PM, December 12, 2006  
Blogger Ayyam said...

أحمس أوووو أنا اللى غلطان سورى...بس ده لو كلاس سنجر وناس هايجه وخلاص...فيه أنيل من كده بيحصل أعتقد فى عصر النت ياما ح تسمع وتشوف. أنا معاك فيه إذدواجيه فى عاداتنا..بس متهيألى كمان أننا مش مجتمع واحد بمعنى فيه ناس لها عادات تانيه وبتحب النوع ده من الفن الرديئ..فهم أحرار فى ذالك طالما لم ينتهكوا مساحتك الخاصه أو هددوا طريقة حياتك بصوره مباشره...فيه ناس ح تبص على أن ده نوع من التنفيس الجنسى ويسعدوا كثيراً لظهور مثل هذه الحفلات...

9:33 PM, December 12, 2006  
Blogger karakib said...

زباله و وساخه و أنحطاط
مش فاهم الناس دي تاعبه نفسها ليه و بتغني ما يعملوا زي بتوع برا بورن ستارز و نخلص بدل ما هم بينطوا في كل حته قدامنا علي أساس أنهم مطربين و مش عارف فنانين و هما عريانين

7:33 AM, December 15, 2006  
Blogger شــهــروزة said...

هو لما بافتح اليوتوب بيقوللى ادخل الباسوورد والاكاونت بتاعى على يوتوب
مش فاهمة لية
كان على طول بيفتح من غير كدة
ومشوفتش الكليب
بس استنتجبت اللى فيه


عموما يا احمس سعد الصغير دة اخر واحد حد ممكن يعلق له على ساقطة من سواقطه او يعتبره قدوة او حتى انسان ذو ذكر
دة زرع شيطانى زيه زى اى حاجة او ظاهرة غلط ظهرت فى المجتمع المصرى

سعد الصغير وعماد بعرور ودينا وكل مظاهر الانحدار والاسفاف فى المجتمع المصرى نتيجة طبيعية لحالة الانحدار اللى فى المجتمع

ظواهر كانت بتظهر فى سنين القحط والازمات والاحتلال فى اى دولة مش مصر بس
ومصر دلوقتى تحت الاحتلال
بكل المقاييس
لكن بكل اسف الاحتلال مش خارجى علشان نقدر نتخلص منه
دة احتلال داخلى
اهلها احتلوها وحولوها لعزبة ملكية متوارثة ومتنقلة بين الايادى

والفقر والانتشار المخدرات وانتشار مظاهر السقوط كلها
تؤيد رأيى دة
بس بقا تقول اية فى اللى معندوش دم وعامل انه مش شايف من الغربال؟؟؟

تحياتى

9:45 AM, December 15, 2006  
Blogger Ahmoss said...

Ayyam

انا طبعا معك إن ده راجل منحط بس إنت مش معايا إن عيب جدا الناس اللي بتشجعه ماعملتش رقابة ذاتية عليه.
ياعني ماحدش إتشملل وقاله عيب كدة.. ولا إيه

2:34 PM, December 15, 2006  
Blogger Ahmoss said...

عزيزي كراكيب ... معاك إن دي وساخة وإنحطاط بس اللي يزعل أكتر إني متأكد إن الكليب ده وصل يوتيوب اليومين دول لأن سعد الصغير بقى مشهور لكن تخيل معايا إن في ألاف منه مغمورين لسه وإن في ملايين بيسأفولهم .. ياللا أكتر من كدة وربك يزيح

2:38 PM, December 15, 2006  
Blogger Ahmoss said...

والله يا شهروزة أحسن إنك ماشوفتيش .. لو مصمة إعملي بحث عن sa3d elso3'aiar في يوتيوب.
عارفة بقى أنا لقيته إزاي ؟ أنا ياستي كنت بأعمل بحث عن مصر في عيون الغرب ومديت إيدي أدور في يوتيوب فوجئت بالشيء ده فيها بس قرفت أوي أوي .
أنا معاي في إن مصر محتلة داخليا .. وأنا مسميهم الهكسوس الجدد.
برده أكتر من كده ويزيح ربنا

تحياتي

2:45 PM, December 15, 2006  
Blogger innominatex said...

انا شوفت الكليب بس مش عندك....مستغرب ليه؟؟؟احنا خلاص عندنا انهيار في كل شىء و دي مجرد تنويعه جديده على لحن الهبوط

4:35 AM, December 29, 2006  
Anonymous Anonymous said...

السلام عليكم :الكليب شاهدته من الوعى المصرى وعنوانه وقاحة سعد الصغير وللاسف دى وقاحة شعب اولا ده شى قديم والكليب نفسه من 2002 او 2003 وكمان هذا ليس نبت شيطانى ده القاعدة فى مصر النهاردة واكيد بتشوفو شباب فىالشارع بيحاول يرقص كانه بيعمل بوفه لحضور فرح الموضوع انحلال بكل المقاييس لكنه قديم وانتباهكم النهارده بيفكرنى باللى ياخد قلم على قفاه ويقول ااااااااااااااه بعد سنه وشكرا

10:53 AM, January 05, 2007  

Post a Comment

<< Home